The City Government of Cagayan de Oro will start imposing penalties for violators of the mandatory wearing of face mask as well as on social distancing on October 5, 2020. The penalty as stipulated under City Ordinance No. 13946-2020 will be P2,000 or rendering a community service of eight (8) hours per P500 worth of administrative fine.

FAQs on Ordinance No. 13946-2020

1. Aduna bay multa kung masapon nga wala nagsuot og face mask sa pampublikong lugar?

Answer: Oo. Basi sa Ordinance No. 13946-2020, multahan ang matag indibidwal nga masapon nga wala nagsuot og face mask. Ang multa nagkantidad og dos mil pesos (P2,000).

2. Kung walay ikabayad sa multa, aduna bay laing pamaagi nga dili magbayad sa multa?

Answer: Oo. Basi sa maong ordinansa, puwede mag-community service kung walay kapasidad nga mobayad sa multa. Ang walo (8) ka oras nga serbisyo mobalor og P500 pesos.

3. Unsay mahitabo kung dili mobayad sa multa ug dili usab mag-community service ang indibidwal nga nakasupak sa ordinansa?

Answer: Sulod sa 72 ka oras gikan sa pagkasikop, mahimo nang mopasaka og kaso sa korte ang OVR Grievance Board. Kung mapamatud-an sa korte nga ‘guilty’ ang maong indibidwal, silotan siya og multa nga dili moubos sa dos mil pesos (P2,000) o mapriso sa dili moubos kinse (15) ka adlaw o ang duha ka silot depende sa desisyon sa korte.

4. Aduna bay multa kung masapon nga wala nagtuman sa social distancing sa pampublikong lugar?

Answer: Oo. Basi sa Ordinance No. 13946-2020, multahan ang mga indibidwal nga masapon nga wala nagtuman sa social distancing sa pampublikong lugar. Ang multa nagkantidad og dos mil pesos (P2,000).

Read full text of City Ordinance No. 13946-2020 below.

Facebook Comments