150469_559577627398606_1889094328_n

Notice have been given to sidewalk vendors around Cogon and Carmen Public Markets and Divisoria area as “Operation Hapsay Dalan” starts on Monday, July 1, 2013.

The notice reads as follows:

Gipahibalo ang tanang hingtungdan nga ang bag-o nga administrasyon sa dakbayan mopatuman sa mga ordinansa, bala-od, ug uban pang mga regulasyon sa trapiko nga sa dugay na nga panahon gipasagdan sa mokana-og nga administrasyon, sama sa pagdili sa pagbaligya sa mga dalan ug sidewalk sa mga merkado ug sa ubang dapit sa dakbayan. Lakip na niini ang pagdili sa pagplastar sa bisan unsa nga dili otorisado nga butang sa kadalanan o sidewalk.

Apil usab ipatuman ang mga regulasyon sa husto nga pagpakana-og sa pasahero, husto nga pagtabok sa kadalanan sa mga pedestrian, husto nga paghunong sa traffic light intersections, ug uban pa.

Pinasubay niini, GIHANGYO ang tanang hingtungdan nga sugod sa Hulyo 1, 2013, dili na magbaligya sa mga dalan o sa sidewalk, ug sa ilang kabubut-on kuhaon ang mga baligya ug unsa mang mga butang nga gipahimutang dihang mga dapita, apil na ang mga business signs, no parking signs, ug uban pa, nga walay panugot sa kagamhanan lokal.

Gihangyo usab ang panabang sa mga motorista, mga pasahero ug mga pedestrian pinaagi sa pagtuman sa balaod-trapiko sa tanang oras.

Manghina-ut ang lokal nga kagamhanan nga unta dili na mo-abot sa punto nga mogamit pa ug kusog ug pwersa aron sa pagpatuman sa bala-od, ug kini makab-ot pina-agi sa pagduyog sa kadaghanan. Ug manghina-ut kita nga sa ma-ong paagi mahimong HAPSAY ang dagan sa trapiko og HAPSAY ang pag-agi sa mga pedestrian ug pasahero sa mga kadalanan sa dakbayan.

Si uma-abot Mayor Oscar “Oca” Moreno, ug ang iyang mga kauban sa bag-ong Administrasyon, manghinaut sa KOOPERASYON sa tanan para makab-ot nato ang KABAG-UHAN sa dakbayan ug matagamtam sa tanan ang HAPSAY nga pang-GOBYERNO sa Cagayan de Oro.

Daghang Salamat.

Task Force HAPSAY DALAN

Cagayan de Oro, June 26, 2013

Read more HERE.

photo from facebook

Facebook Comments